ಕಾನ್ಪುರ:
ಹಳ್ಳಿಯೊಂದರಲ್ಲಿ ಸಮೀಕ್ಷೆ ನಡೆಸಲು ಹೋದ ಗೂಗಲ್ ನಕ್ಷೆಗಳ ತಂಡವನ್ನು ಕಳ್ಳರೆಂದು (Theft Suspicion) ಭಾವಿಸಿ ಸ್ಥಳೀಯರು ಹಲ್ಲೆ ನಡೆಸಿರುವ ಘಟನೆ ಉತ್ತರಪ್ರದೇಶದ (Uttarapradesh) ಕಾನ್ಪುರದ (Kanpur) ಹಳ್ಳಿಯಲ್ಲಿ ಗುರುವಾರ ರಾತ್ರಿ ನಡೆದಿದೆ. ಟೆಕ್ ಮಹೀಂದ್ರಾದಿಂದ ಹೊರಗುತ್ತಿಗೆ ಪಡೆದ ಗೂಗಲ್ ನಕ್ಷೆಗಳ ತಂಡವು ತಮ್ಮ ಕೆಮರಾಗಳು ಮತ್ತು ಡ್ರೋನ್ ಗಳನ್ನು ಬಳಸಿಕೊಂಡು ಬಿರ್ಹಾರ್ ಗ್ರಾಮದ ಬೀದಿಗಳನ್ನು ನಕ್ಷೆ ಮಾಡುತ್ತಿದ್ದಾಗ ಈ ಘಟನೆ ನಡೆದಿದೆ. ಗ್ರಾಮಸ್ಥರು ಅನುಮಾನ ವ್ಯಕ್ತಪಡಿಸಿದಾಗ ಜಗಳವಾಗಿದ್ದು, ಈ ವೇಳೆ ಗ್ರಾಮಸ್ಥರು ಅವರನ್ನು ಥಳಿಸಿದ್ದಾರೆ.
ಕಾನ್ಪುರದ ಹಳ್ಳಿಗೆ ಸಮೀಕ್ಷೆ ನಡೆಸಲು ಹೋದ ಗೂಗಲ್ ನಕ್ಷೆಗಳ ತಂಡವನ್ನು ಕಳ್ಳರು ಎಂದು ಭಾವಿಸಿದ ಗ್ರಾಮಸ್ಥರು ಅವರ ಮೇಲೆ ಹಲ್ಲೆ ನಡೆಸಿದ್ದಾರೆ. ಈ ಘಟನೆ ಗುರುವಾರ ರಾತ್ರಿ ನಡೆದಿದೆ. ಟೆಕ್ ಮಹೀಂದ್ರಾದಿಂದ ಹೊರಗುತ್ತಿಗೆ ಪಡೆದಿದ್ದ ಗೂಗಲ್ ನಕ್ಷೆಗಳ ತಂಡವು ತಮ್ಮ ಕೆಮರಾಗಳು ಮತ್ತು ಡ್ರೋನ್ ಗಳ ಮೂಲಕ ಬಿರ್ಹಾರ್ ಗ್ರಾಮದ ಬೀದಿಗಳನ್ನು ನಕ್ಷೆ ಮಾಡುತ್ತಿದ್ದಾಗ ಗ್ರಾಮಸ್ಥರು ಅವರ ಮೇಲೆ ಹಲ್ಲೆ ನಡೆಸಿದ್ದಾರೆ. ಗೂಗಲ್ ನಕ್ಷೆಗಳಲ್ಲಿ ಸರಿಯಾದ ನಕ್ಷೆಯನ್ನು ಖಚಿತಪಡಿಸಿಕೊಳ್ಳಲು ಅವರು ರಸ್ತೆಗಳ ಫೋಟೋಗಳನ್ನು ತೆಗೆದುಕೊಳ್ಳುತ್ತಿದ್ದರು. ಈ ವೇಳೆ ಗ್ರಾಮಸ್ಥರು ಅವರನ್ನು ಪ್ರಶ್ನಿಸಿದ್ದಾರೆ. ಕೆಮರಾ ಅಳವಡಿಸಿದ ವಾಹನದ ಬಗ್ಗೆ ಅನುಮಾನ ವ್ಯಕ್ತಪಡಿಸಿದ್ದಾರೆ. ಕಳ್ಳತನಕ್ಕಾಗಿ ಮಾಹಿತಿಯನ್ನು ಸಂಗ್ರಹಿಸುತ್ತಿದ್ದಾರೆ ಎನ್ನುವ ಶಂಕೆಯಿಂದ ಅವರನ್ನು ತರಾಟೆಗೆ ತೆಗೆದುಕೊಂಡಿದ್ದಾರೆ.
ಗ್ರಾಮಸ್ಥರ ಗುಂಪು ಗೂಗಲ್ ನಕ್ಷೆಗಳ ತಂಡವನ್ನು ಸುತ್ತುವರಿದು ಅವರ ವಾಹನವನ್ನು ತಡೆದಿದ್ದು ಈ ವೇಳೆ ಘರ್ಷಣೆ ಉಂಟಾಗಿದೆ. ಪೊಲೀಸರು ಸ್ಥಳಕ್ಕೆ ಆಗಮಿಸುವ ಮೊದಲೇ ಗ್ರಾಮಸ್ಥರು ಅವರ ಮೇಲೆ ಹಲ್ಲೆ ನಡೆಸಿದ್ದಾರೆ. ಬಳಿಕ ಗೂಗಲ್ ನಕ್ಷೆಗಳ ತಂಡವನ್ನು ಸ್ಥಳೀಯರು ಪೊಲೀಸ್ ಠಾಣೆಗೆ ಕರೆದೊಯ್ದು ವಿಚಾರಣೆ ನಡೆಸಿದರು. ಅವರು ಕಳ್ಳರಲ್ಲ. ಹಳ್ಳಿಯ ನಕ್ಷೆ ತಯಾರಿಸುತ್ತಿದ್ದಾರೆ ಎಂದು ಪೊಲೀಸರು ಸ್ಥಳೀಯರಿಗೆ ವಿವರಿಸಿದ ಬಳಿಕ ಗ್ರಾಮಸ್ಥರು ಅಲ್ಲಿಂದ ತೆರಳಿದರು.
ಈ ಕುರಿತು ಮಾಹಿತಿ ನೀಡಿದ ಗೂಗಲ್ ನಕ್ಷೆಗಳ ಉದ್ಯೋಗಿಯೊಬ್ಬರು, ನಾನು ಮತ್ತು ನನ್ನ ತಂಡವು ಮ್ಯಾಪಿಂಗ್ ಮಾಡಲು ಗ್ರಾಮಕ್ಕೆ ಭೇಟಿ ನೀಡಿದ್ದಾಗ ಸ್ಥಳೀಯರು ತಪ್ಪಾಗಿ ತಿಳಿದು ನಮ್ಮನ್ನು ಥಳಿಸಿದರು. ನಾವು ಸಮೀಕ್ಷೆಗಾಗಿ ಡಿಜಿಪಿಯಿಂದ ಅನುಮತಿ ಪಡೆದಿದ್ದೆವು ಎಂದು ತಿಳಿಸಿದರು.
ಈ ಪ್ರದೇಶದಲ್ಲಿ ಇತ್ತೀಚೆಗೆ ಅನೇಕ ಕಳ್ಳತನಗಳು ನಡೆಯುತ್ತಿದ್ದುದರಿಂದ ಗ್ರಾಮಸ್ಥರು ಹೆಚ್ಚು ಜಾಗರೂಕರಾಗಿದ್ದಾರೆ. ಈ ಕುರಿತು ಗೂಗಲ್ ನಕ್ಷೆಗಳ ತಂಡವು ಗ್ರಾಮಸ್ಥರ ವಿರುದ್ಧ ಯಾವುದೇ ಪ್ರಕರಣ ದಾಖಲಿಸಿಲ್ಲ.
