ಬೀಜಿಂಗ್:
ಚೀನಾದ ಪ್ರಮುಖ ನಗರಗಳಲ್ಲಿವಿಚಿತ್ರ ಟ್ರೆಂಡ್ವೊಂದು ವೈರಲ್ ಆಗುತ್ತಿದೆ. ಸಂಗಾತಿ ಬಯಸುವ, ಒಡನಾಟ, ಮತ್ತು ಆಧುನಿಕ ಜೀವನದ ಒತ್ತಡಗಳ ಕುರಿತು ಚರ್ಚೆಗಳು ನಡೆಯುತ್ತಿವೆ. ‘ಮ್ಯಾನ್ ಮಮ್’ ಎಂದು ಜನಪ್ರಿಯವಾಗಿ ಕರೆಯಲ್ಪಡುವ ಟ್ರೆಂಡ್ನಲ್ಲಿ, ಜಿಮ್ ತರಬೇತಿ ಪಡೆದ ಪುರುಷರು, ಸಿದ್ಧಾಂತವಾಗಿ ರೊಮ್ಯಾಂಟಿಕ್ ಸಂಬಂಧವಿಲ್ಲದ, ಅಪ್ಪುಗೆ ಸೇವೆಗಳನ್ನು ಮಹಿಳೆಯರಿಗೆ ನೀಡುತ್ತಾರೆ. ಹೆಚ್ಚುತ್ತಿರುವ ಅಕಾಡೆಮಿಕ್ ಮತ್ತು ಕೆಲಸದ ಒತ್ತಡದ ನಡುವೆ ಸ್ವಲ್ಪ ಸಮಯ ಆರಾಮವನ್ನು ಬಯಸಬಹುದು. ಇದೀಗ ಈ ಸುದ್ದಿ ವೈರಲ್ ಆಗಿದೆ.
ಚೀನಾದ ಸಾಮಾಜಿಕ ಮಾಧ್ಯಮ ವೇದಿಕೆಗಳಲ್ಲಿ ಈಗ ವ್ಯಾಪಕವಾಗಿ ಚರ್ಚಿಸಲ್ಪಡುತ್ತಿರುವ ಈ ಪದ್ಧತಿಯು, ಗ್ರಾಹಕರು 20 ರಿಂದ 50 ಯುವಾನ್ಗಳವರೆಗೆ 5 ನಿಮಿಷಗಳ ಅಪ್ಪುಗೆಯನ್ನು ಬುಕ್ ಮಾಡಲು ಅನುವು ಮಾಡಿಕೊಡುತ್ತದೆ. ಈ ಪ್ರವೃತ್ತಿಯನ್ನು ಮೊದಲಿಗೆ ಕಾಲೇಜು ವಿದ್ಯಾರ್ಥಿನಿಯೊಬ್ಬಳು ಸಾಮಾಜಿಕ ಮಾಧ್ಯಮದಲ್ಲಿ ಪೋಸ್ಟ್ ಮಾಡಿದಳು. ಸ್ನೇಹಿತನನ್ನು ತಬ್ಬಿಕೊಳ್ಳುವುದರಿಂದ ತಕ್ಷಣದ ರಿಲೀಫ್ ಅನ್ನು ಅನುಭವಿಸುವ ಬಗ್ಗೆ ಅವಳು ವಿವರಿಸಿದಳು.
ಈ ಪೋಸ್ಟ್ ಒಂದು ಲಕ್ಷಕ್ಕೂ ಹೆಚ್ಚು ಕಾಮೆಂಟ್ಗಳನ್ನು ಪಡೆಯಿತು. ಅನೇಕರು ಹಗ್ ಥೆರಪಿಯನ್ನು ಸ್ನೇಹಪರ ಸೂಚನೆಯಾಗಿ ನೀಡಲು ಪ್ರೇರೇಪಿಸಿತು. ವಾರಗಳಲ್ಲಿ, ಈ ಕಲ್ಪನೆಯು ಪರಿಚಯಸ್ಥರಲ್ಲಿ ಪ್ರಾರಂಭವಾಯಿತು. ಇಂದು, ವೃತ್ತಿಪರ ಗಡಿಗಳು ಮತ್ತು ಸುರಕ್ಷತೆಯನ್ನು ಹುಡುಕುತ್ತಿರುವ ಮಹಿಳೆಯರು ಉದ್ಯಾನವನಗಳು, ಮೆಟ್ರೋ ನಿಲ್ದಾಣಗಳು ಮತ್ತು ಶಾಪಿಂಗ್ ಮಾಲ್ಗಳಂತಹ ಸಾರ್ವಜನಿಕ ಸ್ಥಳಗಳಲ್ಲಿ ಇಂತಹ ಅಪ್ಪುಗೆ ನೀಡುವ ಪುರುಷರನ್ನು ಭೇಟಿಯಾಗಲು ಬಯಸುತ್ತಾರೆ.
ಮಹಿಳೆಯೊಬ್ಬಳು, ಮೂರು ಗಂಟೆಗಳ ಹೆಚ್ಚುವರಿ ಕೆಲಸದ ನಂತರ ತಾನು ಅಪ್ಪುಗೆಯನ್ನು ಆರಿಸಿಕೊಂಡೆ ಎಂದು ಹೇಳಿದಳು. ಆ ವ್ಯಕ್ತಿ ಅವಳ ಭುಜವನ್ನು ತಟ್ಟಿ, ಕೆಲಸದ ಸ್ಥಳದ ತೊಂದರೆಗಳ ಬಗ್ಗೆ ಅವಳ ಮಾತುಗಳನ್ನು ಆಲಿಸಿದನು. ನಂತರ ಆಕೆಯ ಒತ್ತಡವನ್ನು ಹಗುರಗೊಳಿಸುವಲ್ಲಿ ನೆರವಾದನು.
ಮ್ಯಾನ್ ಮಾಮ್ ಎಂಬ ಪದವು ಜಿಮ್ನಲ್ಲಿ ದೇಹದಂಡಿಸುವವರನ್ನು ಸೂಚಿಸುತ್ತದೆ. ಅಂದರೆ, ಇದು ವಿಶಾಲವಾದ ಮೈಕಟ್ಟು ಹೊಂದಿರುವ ಪುರುಷರನ್ನು ಸೂಚಿಸುತ್ತದೆ. ಕೇವಲ ಹಣಕ್ಕಾಗಿಯಲ್ಲ, ಬದಲಾಗಿ ಯುವತಿಯರು-ಮಹಿಳೆಯರ ಮಾನಸಿಕ ಹೊರೆಯನ್ನು ಕಡಿಮೆ ಮಾಡಲು ಯುವಕರು ಮುಂದಾಗುತ್ತಿದ್ದಾರೆ. ವ್ಯಕ್ತಿಯೊಬ್ಬ, 34 ಅಪ್ಪುಗೆಗಳನ್ನು ನೀಡಿ ಕಡಿಮೆ ಅವಧಿಯಲ್ಲಿ 1,758 ಯುವಾನ್ ಹಣ ಗಳಿಸಿದ್ದಾನಂತೆ.
ಮತ್ತೊಬ್ಬರು ಈ ಸೇವೆಯು ತನಗೆ ಆತ್ಮವಿಶ್ವಾಸವನ್ನು ನೀಡಿತು. ಕಷ್ಟದ ಸಮಯದಲ್ಲಿ ಯಾರಿಗಾದರೂ ಉಪಯುಕ್ತನಾಗಬಲ್ಲೆ ಎಂಬ ಭಾವನೆಯನ್ನು ನೀಡಿತು ಎಂದು ಹೇಳಿದರು. ಅನೇಕ ಮಂದಿ 5 ನಿಮಿಷಕ್ಕೆ 50 ಯುವಾನ್ ದರಗಳನ್ನು ಪಟ್ಟಿ ಮಾಡಿರುವ ಫಲಕಗಳನ್ನು ಹಿಡಿದುಕೊಂಡು ಜನನಿಬಿಡ ಪಾದಚಾರಿ ಮಾರ್ಗಗಳಲ್ಲಿ ನಿಲ್ಲುತ್ತಾರೆ. ಇದನ್ನು ದಿನದ ಕೆಲಸಗಳ ಜೊತೆಗೆ ಅರೆಕಾಲಿಕ ವೃತ್ತಿ ಅವಕಾಶವೆಂದು ಪರಿಗಣಿಸುತ್ತಾರೆ.
ಈ ಟ್ರೆಂಡ್ ವೈರಲ್ ಆಗುತ್ತಿದ್ದಂತೆ, ಚೀನಾದಲ್ಲಿ ಎಷ್ಟು ಮಂದಿ ಒಂಟಿತನವನ್ನು ಅನುಭವಿಸುತ್ತಿದ್ದಾರೆ ಎಂಬುದನ್ನು ಒತ್ತಿ ತೋರಿಸುತ್ತದೆ. ಹೆಚ್ಚುತ್ತಿರುವ ಜೀವನ ವೆಚ್ಚಗಳು, ಕೆಲಸದ ಅಭದ್ರತೆ ಮತ್ತು ನಿರಂತರ ಶೈಕ್ಷಣಿಕ ವೇಳಾಪಟ್ಟಿಗಳು ಒಟ್ಟಾರೆಯಾಗಿ ಭಾವನಾತ್ಮಕ ಯೋಗಕ್ಷೇಮವನ್ನು ಕುಗ್ಗಿಸಿವೆ. ಕೆಲವು ಮಹಿಳೆಯರು ಅಪ್ಪುಗೆ ನೀಡಿದವರಿಗೆ ಕಾಫಿ, ತಿಂಡಿಗಳು ಅಥವಾ ಸಣ್ಣ ಉಡುಗೊರೆಗಳೊಂದಿಗೆ ಧನ್ಯವಾದಗಳನ್ನು ಅರ್ಪಿಸುತ್ತಾರೆ.
ಅಂದಹಾಗೆ, ಈ ಟ್ರೆಂಡ್ ವೈರಲ್ ಆಗಿದ್ದರೂ, ಅಪಾರ ಮಂದಿಯ ಮೆಚ್ಚುಗೆಗೆ ಪಾತ್ರವಾಗಿದ್ದರೂ ಟೀಕೆಗಳು ಕೂಡ ವ್ಯಕ್ತವಾಗಿವೆ. ಇದು ಅನುಚಿತ ವರ್ತನೆಗೆ ಕಾರಣವಾಗಬಹುದು ಎಂದು ಕೆಲವರು ಉಲ್ಲೇಖಿಸಿದ್ದಾರೆ. ಆದರೂ, ಪ್ರತಿದಿನ ನೂರಾರು ಪೋಸ್ಟ್ಗಳೊಂದಿಗೆ ಹುಡುಕಾಟ ಫಲಿತಾಂಶಗಳಲ್ಲಿ ಈ ವಿಚಾರವು ಪ್ರಾಬಲ್ಯ ಸಾಧಿಸುತ್ತಿದೆ. ಹೀಗಾಗಿ ‘ಮ್ಯಾನ್ ಮಮ್’ ಆಂದೋಲನವು ಚೀನಾದಲ್ಲಿ ಅನೇಕರ ಪಾಲಿಗೆ ನೆಚ್ಚಿನ ವರದಾನವಾಗಿದೆ.
