IPL2022 :
ಎರಡು ಹೊಸ ತಂಡಗಳ ಸೇರ್ಪಡೆಯಿಂದ 10 ತಂಡಗಳ ಹಣಾಹಣಿಯಾಗಿ ಮಾರ್ಪಟ್ಟಿರುವ ಐಪಿಎಲ್ 15ನೇ ಆವೃತ್ತಿ ಹಲವು ಬದಲಾವಣೆಗಳನ್ನು ಕಂಡಿದೆ. ಟೂರ್ನಿಯ ಅಗ್ರ 4 ತಂಡಗಳು ಆಡುವ ಪ್ಲೇಆಫ್ ಲೆಕ್ಕಾಚಾರವೂ ಇದರಲ್ಲಿ ಪ್ರಮುಖವಾದುದು. ಹೀಗಾಗಿ ಟೂರ್ನಿಯಲ್ಲಿ ಇದುವರೆಗೆ 56 ಲೀಗ್ ಪಂದ್ಯಗಳು ಮುಗಿದಿದ್ದರೂ ಇನ್ನೂ ಯಾವ ತಂಡಕ್ಕೂ ಪ್ಲೇಆಫ್ ಸ್ಥಾನ ಖಚಿತಗೊಂಡಿಲ್ಲ.
5 ಬಾರಿಯ ಚಾಂಪಿಯನ್ ಮುಂಬೈ ಇಂಡಿಯನ್ಸ್ ಮಾತ್ರ ಇದುವರೆಗೆ ಅಧಿಕೃತವಾಗಿ ಪ್ಲೇಆಫ್ ರೇಸ್‌ನಿಂದ ಹೊರಬಿದ್ದಿದೆ. ಇನ್ನು 14 ಲೀಗ್ ಪಂದ್ಯಗಳು ಬಾಕಿ ಉಳಿದಿದ್ದು, ಸದ್ಯ 4 ಪ್ಲೇಆಫ್ ಸ್ಥಾನಕ್ಕೆ ಉಳಿದ 9 ತಂಡಗಳೂ ರೇಸ್‌ನಲ್ಲಿವೆ. ಈ ತಂಡಗಳ ಪ್ಲೇಆಫ್ ಲೆಕ್ಕಾಚಾರ ಇಲ್ಲಿದೆ.
ಮತ್ತೊಂದು ದಾಖಲೆ: 25ನೇ ದಿನಕ್ಕೆ ರಾಜಮೌಳಿಯ RRR ಕಲೆಕ್ಷನ್’ಗೆ ಸೆಡ್ಡು ಹೊಡೆದ ‘KGF 2’
ಬದಲಾದ ಪ್ಲೇಆಫ್ ಲೆಕ್ಕಾಚಾರ
8 ತಂಡಗಳ ಐಪಿಎಲ್‌ನಲ್ಲಿ 8 ಪಂದ್ಯ ಗೆದ್ದರೆ ಪ್ಲೇಆಫ್ ಸ್ಥಾನ ಖಚಿತವೆನಿಸುತ್ತಿತ್ತು ಮತ್ತು 7 ಪಂದ್ಯ ಗೆದ್ದ ತಂಡಗಳಿಗೂ ಪ್ಲೇಆಗೇರುವ ಅವಕಾಶವಿರುತಿತ್ತು. ಆದರೆ 10 ತಂಡಗಳ ಹಣಾಹಣಿಯಲ್ಲಿ ಎಲ್ಲ ತಂಡಗಳಿಗೆ ತಲಾ 14 ಲೀಗ್ ಪಂದ್ಯಗಳೇ ಇದ್ದರೂ, ಪ್ಲೇಆಫ್ ಖಚಿತವೆನಿಸಲು 9 ಗೆಲುವು ಅಗತ್ಯವಾಗಿದೆ. 8 ಪಂದ್ಯ ಗೆದ್ದವರಿಗೂ ಪ್ಲೇಆಫ್ ಅವಕಾಶವಿದ್ದರೂ ರನ್‌ರೇಟ್ ಲೆಕ್ಕಾಚಾರ ನಿರ್ಣಾಯಕವಾಗಲಿದೆ. ಇನ್ನೊಂದು ಲೆಕ್ಕಾಚಾರದ ಪ್ರಕಾರ 7 ಪಂದ್ಯ ಗೆದ್ದ ತಂಡಗಳಿಗೂ ‘ಔಟ್‌ಸೈಟ್ ಚಾನ್ಸ್’ ಇದ್ದರೂ ಅದು ತೀರಾ ವಿರಳ ಸಾಧ್ಯತೆ. 2011ರಲ್ಲಿ 10 ತಂಡಗಳು ಆಡಿದಾಗ 7 ಪಂದ್ಯ ಗೆದ್ದ ತಂಡ ಹೊರಬಿದ್ದಿತ್ತು.
ಲಖನೌ ಸೂಪರ್‌ಜೈಂಟ್ಸ್
ಅಗ್ರಸ್ಥಾನಿ ಲಖನೌ ಪ್ಲೇಆಫ್ ಅರ್ಹತೆಯಿಂದ ಕೇವಲ 1 ಹೆಜ್ಜೆ ಹಿಂದಿದೆ. ಇನ್ನುಳಿದ 3 ಪಂದ್ಯಗಳಲ್ಲಿ 1ರಲ್ಲಿ ಗೆದ್ದರೂ ಪ್ಲೇಆಫ್ ಖಚಿತಗೊಳ್ಳಲಿದೆ. ಉತ್ತಮ ರನ್‌ರೇಟ್‌ನಿಂದಾಗಿ ಇನ್ನೊಂದು ಗೆಲ್ಲದೆ ಇದ್ದರೂ ಹೊರಬೀಳಲಿದೆ ಎನ್ನುವುದು ಕಷ್ಟಕರ.
ಮುಂದಿನ ಎದುರಾಳಿಗಳು: ಗುಜರಾತ್ (ಮೇ 10), ರಾಜಸ್ಥಾನ (ಮೇ 15), ಕೆಕೆಆರ್ (ಮೇ 18).
ಪ್ಲೇಆಫ್ ಸಾಧ್ಯತೆ: 99.9%
ಪೆಟ್ರೋಲ್ ಬಾಂಬ್ ತಯಾರು, ಪೊಲೀಸರನ್ನ ಯಾಮಾರಿಸಲು ಹೋಗಿ ಸಿಕ್ಕಿಬಿದ್ದ ಗ್ಯಾಂಗ್
ಗುಜರಾತ್ ಟೈಟಾನ್ಸ್
ಪ್ಲೇಆಫ್ ಖಚಿತತೆಗೆ ಇನ್ನೊಂದು ಗೆಲುವು ಅಗತ್ಯ. ಕಳೆದೆರಡು ಪಂದ್ಯಗಳಲ್ಲಿ ಟೈಟಾನ್ಸ್ ಈ ಅವಕಾಶ ಕೈಚೆಲ್ಲಿತ್ತು. ಹೀಗಾಗಿ ಮುಂದಿನ 3 ಪಂದ್ಯಗಳಲ್ಲಾದರೂ 1 ಗೆಲುವಿನ ಅಗತ್ಯವಿದೆ. ಆದರೆ ಉಳಿದ 3ರಲ್ಲೂ ಗೆಲ್ಲದೆ, ರನ್‌ರೇಟ್ ಕೂಡ ಭಾರಿ ಕುಸಿತ ಕಂಡರೆ ಗುಜರಾತ್ ಟೂರ್ನಿಯಿಂದ ಹೊರಬೀಳುವ ಅಪಾಯ ಈಗಲೂ ಇದೆ.
ಮುಂದಿನ ಎದುರಾಳಿಗಳು: ಲಖನೌ (ಮೇ 10), ಸಿಎಸ್‌ಕೆ (ಮೇ 15), ಆರ್‌ಸಿಬಿ (ಮೇ 19).
ಪ್ಲೇಆಫ್ ಸಾಧ್ಯತೆ: 99.9%
ರಾಜಸ್ಥಾನ ರಾಯಲ್ಸ್
ಉಳಿದ 3 ಪಂಧ್ಯಗಳಲ್ಲಿ 1ರಲ್ಲಿ ಗೆದ್ದರೂ ರಾಜಸ್ಥಾನ ಸುರಕ್ಷಿತ ವಲಯ ತಲುಪಲಿದೆ. ಉತ್ತಮ ರನ್‌ರೇಟ್ ಕೂಡ ಇರುವುದರಿಂದ ರಾಯಲ್ಸ್‌ಗೆ ಪ್ಲೇಆಫ್ಗೇರಲು 1 ಗೆಲುವು ಸಾಕಾಗಬಹುದು. ಆದರೆ ಅಗ್ರ 2ರೊಳಗೆ ಸ್ಥಾನ ಪಡೆಯಬೇಕಾದರೆ ಉಳಿದ 2 ಅಥವಾ ಮೂರರಲ್ಲೂ ಗೆಲ್ಲಬೇಕು.
ಮುಂದಿನ ಎದುರಾಳಿಗಳು: ಡೆಲ್ಲಿ (ಮೇ 11), ಲಖನೌ (ಮೇ 15), ಸಿಎಸ್‌ಕೆ (ಮೇ 20).
ಪ್ಲೇಆಫ್ ಸಾಧ್ಯತೆ: 93.8%
ಆರ್‌ಸಿಬಿ
ಸನ್‌ರೈಸರ್ಸ್‌ ವಿರುದ್ಧದ ಬೃಹತ್ ಗೆಲುವಿನಿಂದ ರನ್‌ರೇಟ್ ಸುಧಾರಣೆ ಕಂಡಿರುವುದು ಸಮಾಧಾನಕರ ಅಂಶ. ಆದರೂ, ಯಾವುದೇ ಇತರ ಪಂದ್ಯಗಳ ಲೆಕ್ಕಾಚಾರದ ಅಗತ್ಯವಿಲ್ಲದೆ ಪ್ಲೇಆಫ್ಗೆ ಏರಬೇಕಾದರೆ ಆರ್‌ಸಿಬಿ ತನ್ನ ಉಳಿದೆರಡು ಪಂದ್ಯಗಳಲ್ಲೂ ಗೆಲ್ಲಬೇಕು. ಆರ್‌ಸಿಬಿ ಇನ್ನೊಂದು ಪಂದ್ಯ ಮಾತ್ರ ಗೆದ್ದರೂ ಪ್ಲೇಆಗೇರಲು ಅವಕಾಶವಿದೆ. ಆದರೆ ಆಗ ಡೆಲ್ಲಿ, ಸನ್‌ರೈಸರ್ಸ್‌ ಮತ್ತು ಪಂಜಾಬ್ ತಂಡಗಳು ಇನ್ನೊಂದು ಪಂದ್ಯದಲ್ಲಿ ಸೋಲಬೇಕು ಅಥವಾ ರನ್‌ರೇಟ್‌ನಲ್ಲಿ ಆರ್‌ಸಿಬಿಗಿಂತ ಹಿಂದುಳಿಯಬೇಕು.
ಮುಂದಿನ ಎದುರಾಳಿಗಳು: ಪಂಜಾಬ್ (ಮೇ 13), ಗುಜರಾತ್ (ಮೇ 19).
ಪ್ಲೇಆಫ್ ಸಾಧ್ಯತೆ: 63%
ಡೆಲ್ಲಿ ಕ್ಯಾಪಿಟಲ್ಸ್
ಪ್ಲೇಆಫ್ಗೇರಲು ಉಳಿದ 3ರಲ್ಲೂ ಗೆಲ್ಲುವುದು ಅನಿವಾರ‌್ಯ. ಜತೆಗೆ ಇತರ ಪಂದ್ಯಗಳ ಲಿತಾಂಶಗಳೂ ಪೂರಕವಾಗಿ ಬರಬೇಕು. ಅಂದರೆ ರಾಜಸ್ಥಾನ ಇನ್ನೆರಡು ಸೋಲು ಕಾಣಬೇಕು ಅಥವಾ ಆರ್‌ಸಿಬಿ ಇನ್ನೊಂದು ಪಂದ್ಯ ಸೋಲಬೇಕು. ಆಗ ರನ್‌ರೇಟ್ ಲೆಕ್ಕಾಚಾರದಲ್ಲಿ ಮುಂದಿದ್ದರೆ ಡೆಲ್ಲಿ ಪ್ಲೇಆಫ್ಗೆ ಏರಬಹುದು. ಇನ್ನೊಂದು ಸೋತರೂ ಪಂತ್ ಪಡೆಗೆ ಬಾಗಿಲು ಮುಚ್ಚಲಿದೆ.
ಮುಂದಿನ ಎದುರಾಳಿಗಳು: ರಾಜಸ್ಥಾನ (ಮೇ 11), ಪಂಜಾಬ್ (ಮೇ 16), ಮುಂಬೈ (ಮೇ 21).
ಪ್ಲೇಆಫ್ ಸಾಧ್ಯತೆ: 41.4%
ಸನ್‌ರೈಸರ್ಸ್‌ ಹೈದರಾಬಾದ್
ಸತತ 5 ಜಯದೊಂದಿಗೆ ಪ್ಲೇಆಫ್ನತ್ತ ಮುನ್ನುಗ್ಗುತ್ತಿದ್ದ ಸನ್‌ರೈಸರ್ಸ್‌ ಈಗ ಸತತ 4 ಸೋಲಿನಿಂದ ಪ್ಲೇಆಗೇರಲು ಪರದಾಡಬೇಕಾಗಿದೆ. ಉಳಿದ 3ರಲ್ಲೂ ಗೆದ್ದರೆ ಸನ್‌ರೈಸರ್ಸ್‌ಗೆ ಪ್ಲೇಆಫ್ಗೇರುವ ಅವಕಾಶ ಈಗಲೂ ಇದೆ. ಆದರೆ ಇತರ ಪಂದ್ಯಗಳ ಫಲಿತಾಂಶ ಮತ್ತು ರನ್‌ರೇಟ್ ಕೂಡ ನಿರ್ಣಾಯಕ ಪಾತ್ರ ವಹಿಸಲಿದೆ.
ಮುಂದಿನ ಎದುರಾಳಿಗಳು: ಕೆಕೆಆರ್ (ಮೇ 14), ಮುಂಬೈ (ಮೇ 17), ಪಂಜಾಬ್ (ಮೇ 22).
ಪ್ಲೇಆಫ್ ಸಾಧ್ಯತೆ: 42.5%
ಪಂಜಾಬ್ ಕಿಂಗ್ಸ್
ಮಯಾಂಕ್ ಅಗರ್ವಾಲ್ ಬಳಗ ಪ್ಲೇಆಫ್ಗೇರಲು ಉಳಿದ 3ರಲ್ಲಿ ಗೆಲ್ಲಲೇಬೇಕು. ಜತೆಗೆ ಇತರ ಪಂದ್ಯಗಳ ಫಲಿತಾಂಶವೂ ವರದಾನವಾಗಬೇಕು. ಪ್ಲೇಆಫ್ ರೇಸ್‌ನಲ್ಲಿ ತನಗೆ ನಿಕಟ ಪೈಪೋಟಿ ಒಡ್ಡುತ್ತಿರುವ ತಂಡಗಳೇ ಕೊನೇ 3 ಪಂದ್ಯಗಳಲ್ಲಿ ಎದುರಾಳಿ ಆಗಿರುವುದರಿಂದ 1ರಲ್ಲಿ ಸೋತರೂ ಆಸೆ ಕೈಚೆಲ್ಲಬೇಕಾಗುತ್ತದೆ.
ಮುಂದಿನ ಎದುರಾಳಿಗಳು: ಆರ್‌ಸಿಬಿ (ಮೇ 13), ಡೆಲ್ಲಿ (ಮೇ 16), ಸನ್‌ರೈಸರ್ಸ್‌ (ಮೇ 22).
ಪ್ಲೇಆಫ್ ಸಾಧ್ಯತೆ: 24.6%
ಕೇಂದ್ರ ಸರ್ಕಾರಿ ನೌಕರರಿಗೆ ಗುಡ್‌ ನ್ಯೂಸ್‌ : ಶೀಘ್ರ ತುಟ್ಟಿಭತ್ಯೆ ಹೆಚ್ಚಳ, ಸಂಬಳ ₹27,312ಕ್ಕೆ ಏರಿಕೆ
ಚೆನ್ನೈ ಸೂಪರ್‌ಕಿಂಗ್ಸ್
ಧೋನಿ ಮತ್ತೆ ಸಾರಥ್ಯ ವಹಿಸಿಕೊಂಡ ಬಳಿಕ ಸಿಎಸ್‌ಕೆ ಅಭಿಮಾನಿಗಳು ಪವಾಡದ ನಿರೀಕ್ಷೆಯಲ್ಲಿದ್ದಾರೆ. ಯಾಕೆಂದರೆ ಒಂದು ಲೆಕ್ಕಾಚಾರದ ಪ್ರಕಾರ ಈಗಲೂ ಸಿಎಸ್‌ಕೆಗೆ ಪ್ಲೇಆಫ್ ಅವಕಾಶವಿದೆ. ಅಂದರೆ ಗರಿಷ್ಠ 7 ಗೆಲುವು ಕಾಣಲು ಅವಕಾಶವಿರುವ ನಡುವೆಯೂ ಸಿಎಸ್‌ಕೆಗೆ ಪ್ಲೇಆಫ್ ಅವಕಾಶವಿದೆ. ಆರ್‌ಸಿಬಿ ಇನ್ನೆರಡೂ ಪಂದ್ಯ ಸೋತು, ಪಂಜಾಬ್ ತಂಡ ಆರ್‌ಸಿಬಿ ವಿರುದ್ಧ ಗೆದ್ದು ಉಳಿದ 2ರಲ್ಲಿ ಸೋತರೆ, ಡೆಲ್ಲಿ, ಸನ್‌ರೈಸರ್ಸ್‌ ತಂಡಗಳು ಪಂಜಾಬ್ ವಿರುದ್ಧ ಗೆದ್ದು ಉಳಿದ 2 ಪಂದ್ಯಗಳಲ್ಲಿ ಸೋತರೆ ಆಗ ಈ 5 ತಂಡಗಳು ತಲಾ 7 ಗೆಲುವು ಕಾಣಲಿದ್ದು, ರನ್‌ರೇಟ್‌ನಲ್ಲಿ ಮುಂದಿದ್ದರೆ ಸಿಎಸ್‌ಕೆ 4ನೇ ಸ್ಥಾನಿಯಾಗಿ ಪ್ಲೇಆಫ್ಗೇರಬಹುದಾಗಿದೆ ಎಂಬುದು ಲೆಕ್ಕಾಚಾರವಾಗಿದೆ.
ಮುಂದಿನ ಎದುರಾಳಿಗಳು: ಮುಂಬೈ (ಮೇ 12), ಗುಜರಾತ್ (ಮೇ 15), ರಾಜಸ್ಥಾನ (ಮೇ 20).
ಪ್ಲೇಆಫ್ ಸಾಧ್ಯತೆ: 2%
ಕೋಲ್ಕತ ನೈಟ್‌ರೈಡರ್ಸ್‌
ಲೆಕ್ಕಾಚಾರದ ಪ್ರಕಾರ ಕೆಕೆಆರ್‌ಗೆ ಇನ್ನೂ ಪ್ಲೇಆಫ್ ಅವಕಾಶವಿದೆ. ಮುಂಬೈ ವಿರುದ್ಧ ಬೃಹತ್ ಗೆಲುವಿನಿಂದ ರನ್‌ರೇಟ್ ಸುಧಾರಿಸಿದೆ. ಆದರೆ, ಇನ್ನೆರಡು ಪಂದ್ಯ ಗೆದ್ದರೂ ಇತರ ಫಲಿತಾಂಶ ಪೂರಕವಾಗಿ ಬರುವುದು ಕಷ್ಟಕರ.
ಮುಂದಿನ ಎದುರಾಳಿಗಳು: ಸನ್‌ರೈಸರ್ಸ್‌ (ಮೇ 14), ಲಖನೌ (ಮೇ 18).
ಪ್ಲೇಆಫ್ ಸಾಧ್ಯತೆ: 3.3%
ಪ್ರಜಾಪ್ರಗತಿಯಿಂದ ತಾಜಾ ಸುದ್ದಿಗಾಗಿ ಪ್ರಜಾಪ್ರಗತಿ facebook pageಲೈಕ್ ಮಾಡಿ
