ಹುಳಿಯಾರು : ಮಾರುಕಟ್ಟೆಯಲ್ಲಿ ಈರುಳ್ಳಿ ಬೆಲೆ ದಿಢೀರ್ ಕುಸಿತ

 ಹುಳಿಯಾರು :

      ಹುಳಿಯಾರಿನ ಖಾಸಗಿ ಈರುಳ್ಳಿ ಮಾರುಕಟ್ಟೆಯಲ್ಲಿ ಈರುಳ್ಳಿ ಬೆಲೆ ವಾರದಿಂದ ದಿಡೀರ್ ಕುಸಿತ ಕಂಡಿದ್ದು ಕ್ವಿಂಟಲ್ ಈರುಳ್ಳಿಗೆ 200 ರೂಗಳಿಂದ 1500 ರೂ ಗಳಿಗೆ ಮಾರಾಟವಾಗುತ್ತಿದೆ.

      ಹುಳಿಯಾರು ಪಟ್ಟಣದ ಈರುಳ್ಳಿ ವ್ಯಾಪಾರಿ ಹಾರೂನ್ ಷರೀಫ್ ಅವರು ಕಳೆದ ಎರಡು ತಿಂಗಳಿಂದ ಖಾಸಗಿಯಾಗಿ ನಡೆಸುತ್ತಿರುವ ಈರುಳ್ಳಿ ಹರಾಜಿನಲ್ಲಿ ಬುಧವಾರ ಅತೀ ಕಡಿಮೆ ಬೆಲೆಗೆ ಈರುಳ್ಳಿ ಹರಾಜಾಗಿದೆ. ಜನವರಿ ಮತ್ತು ಫೆಬ್ರವರಿ ಮಾಹೆಯಲ್ಲಿ ಪ್ರತಿ ಕ್ವಿಂಟಲ್ ಈರುಳ್ಳಿ ದರ 5 ಸಾವಿರ ರೂ. ಇತ್ತು. ಮಾರ್ಚಿ ಮಾಹೆಯಲ್ಲಿ 3 ಸಾವಿರಕ್ಕೆ ಇಳಿದಿತ್ತು. ಈಗ ಅರ್ಧದಷ್ಟು ದರ ಕುಸಿದಿದ್ದು ಪ್ರತಿ ಕ್ವಿಂಟಲ್‍ಗೆ ಸಣ್ಣ ಈರುಳ್ಳಿ 200 ರೂ ಹಾಗೂ ದಪ್ಪ ಈರುಳ್ಳಿ 1500 ರೂ. ಹರಾಜಾಯಿತು.

ಮಹಾರಾಷ್ಟ್ರದ ನಾಸಿಕ್‍ನಲ್ಲಿ ಎಕರೆಗೆ 400 ಚೀಲ, ರಾಜ್ಯದ ಚಿತ್ರದುರ್ಗ ಹಾಗೂ ತುಮಕೂರು ಜಿಲ್ಲೆಯ ಸ್ಥಳೀಯ ರೈತರು ಎಕರೆಗೆ 250 ಚೀಲ ಈರುಳ್ಳಿ ಬೆಳೆದಿದ್ದಾರೆ. ಉತ್ಪಾದನೆ ಹೆಚ್ಚಾಗಿರುವ ಜೊತೆಗೆ ರಫ್ತು ಸ್ಥಗಿತವಾಗಿರುವ ಕಾರಣ ಬೆಲೆ ಕುಸಿದಿದೆ ಎಂದು ಈರುಳ್ಳಿ ವ್ಯಾಪಾರಿ ಹಾರೂನ್ ತಿಳಿಸಿದ್ದಾರೆ.

      ಈರುಳ್ಳಿ ದರ ಏಕಾಏಕಿ ಕುಸಿತ ಆತಂಕ ಮೂಡಿಸಿದೆಯಾದರೂ ಬೆಂಗಳೂರಿಗೆ ಹೋಗಿ ಮಾರಿದ್ದರೆ ಈ ಬೆಲೆ ನಷ್ಟವಾಗುತ್ತಿತ್ತು, ಆದರೆ ಸ್ಥಳಿಯವಾಗಿ ಮಾರುಕಟ್ಟೆ ಇರುವುದರಿಂದ ಸಾಗಾಣಿಕೆ ವೆಚ್ಚ ಕಡಿಮೆಯಿದ್ದು ಈಗಿನ ಬೆಲೆ ಉತ್ತಮ ಎನ್ನುವುದಕ್ಕಿಂದ ಪರ್ವಾಗಿಲ್ಲ ಎನ್ನುವಂತ್ತಿದೆ. ಈ ದರಕ್ಕಿಂತ ಕಡಿಮೆಗೆ ಇಳಿದರೆ ರೈತರಿಗೆ ನಷ್ಟ ಕಟ್ಟಿಟ್ಟ ಬುತ್ತಿ ಎನ್ನುತ್ತಾರೆ ರೈತ ಚಿತ್ತಯ್ಯ.

ಪ್ರಜಾಪ್ರಗತಿಯಿಂದ ತಾಜಾ ಸುದ್ದಿಗಾಗಿ ಪ್ರಜಾಪ್ರಗತಿ facebook page ಲೈಕ್ ಮಾಡಿ

 

Recent Articles

spot_img

Related Stories

Share via
Copy link
Powered by Social Snap