ತುರುವೇಕೆರೆ
ತಾಲ್ಲೂಕಿನ ದೊಡ್ಡಮಲ್ಲಿಗೆರೆ ಬಳಿಯಲ್ಲಿ ನವಜಾತ ಹೆಣ್ಣು ಶಿಶುವೊಂದು ಗೋಣಿ ಚೀಲದಲ್ಲಿ ಸಿಕ್ಕಿದೆ.ದೊಡ್ಡ ಮಲ್ಲಿಗೆರೆ ಗ್ರಾಮದ ಶಿವಮ್ಮ ಹೊಲಕ್ಕೆ ತೆರಳಿದಾಗ ಮಗು ಅಳುವ ಶಬ್ದ ಕೇಳಿದೆ. ಕೂಡಲೇ ಶಿವಮ್ಮ ನೋಡಲಾಗಿ ಹೊಲದ ಬೇಲಿಯ ಸಮೀಪ ಗೋಣಿ ಚೀಲವನ್ನು ಸುತ್ತಿ ಮಗುವನ್ನು ಇಡಲಾಗಿದೆ. ಶಿವಮ್ಮ ಮಗುವನ್ನು ಎತ್ತಿಕೊಂಡು ಮನೆಗೆ ಬಂದು ಆರೈಕೆ ಮಾಡಿದ್ದಾರೆ. ಸುದ್ದಿ ತಿಳಿದ ಪೊಲೀಸರು ಮಾಯಸಂದ್ರ ಆಸ್ಪತ್ರೆಗೆ ಮಗುವನ್ನು ದಾಖಲಿಸಿದ್ದು ಮಗು ಆರೋಗ್ಯವಾಗಿದೆ. ಮಗು ಯಾರದು ಎಂದು ಪತ್ತೆಯಾಗಿಲ್ಲ. ಮಗು ಜನನವಾಗಿ ಕೇವಲ ಎರಡರಿಂದ ಮೂರು ದಿನಗಳಾಗಿರಬಹುದು ಎಂದು ವೈದ್ಯರು ತಿಳಿಸಿದ್ದಾರೆ. ಸ್ಥಳೀಯವಾಗಿ ಜನಿಸಿರಬಹುದು ಎಂದು ಸಂಶಯ ವ್ಯಕ್ತಪಡಿಸಿದ್ದಾರೆ. ಮಕ್ಕಳ ಸಂರಕ್ಷಣಾಧಿಕಾರಿಗಳು ವಶಕ್ಕೆ ಪಡೆಯಲಿದ್ದಾರೆ.
ಪ್ರಜಾಪ್ರಗತಿಯಿಂದ ತಾಜಾ ಸುದ್ದಿಗಾಗಿ ಪ್ರಜಾಪ್ರಗತಿ facebook page ಲೈಕ್ ಮಾಡಿ
